Dita e Falënderimeve në SHBA, presidenti Trump sulmon demokratët: Gëzuar edhe ju që u përpoqët të shkatërronit vendin tonë 28/11 14:46
Një stacion televiziv palestinez transmetoi pamjet e një lideri të lartë të Hamasit, Ismail Haniyeh në momentin kur merr lajmin se tre nga djemtë e tij vdiqën në një sulm izraelit.
Thuhet se Haniyeh e mori lajmin për vdekjen teksa vizitonte palestinezët e plagosur, të cilët u transportuan në një spital në Doha. Një telefonatë ndërpreu vizitën e tij në spital, ku mori dhe lajmin e hidhur për vdekjen e tre djemve. Në video ai shihet se ruan qetësinë, tregohet gjakftohtë dhe shprehet se shpreson që Allahu të ketë mëshirë për shpirtrat e tyre. “Është vullnet i Zotit” , dëgjohet të thotë ai.
Më pas është pyetur nëse do të ndërpresë vizitën e tij në spital, ai iu përgjigj se nuk ka asnjë arsye për diçka të tillë.
Vdekja e tyre vjen në një kohë kur Izraeli po zhvillon negociata delikate për armëpushim me grupin militant. Është e paqartë se si këto vdekje do të ndikojnë në bisedimet.
Djemtë e Ismail Haniyeh janë ndër figurat e profilit më të lartë që janë vrarë në luftë deri më tani. Izraeli tha se ata ishin operativë të Hamasit dhe Haniyeh akuzoi Izraelin se vepronte në “frymën e hakmarrjes dhe vrasjes”.
Vrasja e tre djemve të liderit të Hamasit vijnë gjithashtu pasi Izraeli është nën presion në rritje nga aleati i tij kryesor, SHBA, për të ndryshuar rrugën në luftë, veçanërisht kur bëhet fjalë për ndihmën humanitare për njerëzit e dëshpëruar në Gaza.
Top Channel
