![](https://top-channel.tv/wp-content/uploads/2024/07/ramaa_sd-1-800x450.jpg)
Deputetja Albana Vokshi ka kërkuar dëgjesë me ministren e Shëndetësisë, Albana Koçiu, pasi sipas saj, të premten e kaluar një ndërprerje prej dy orësh e energjisë elektrike në qendrën spitalore QSUT, i ka marrë jetën katër pacientëve.
Vokshi: Para se të vija në komision, më është dërguar një informacion nga një qytetar. Për një ngjarje të rëndë që ka ndodhur të premten në të gdhirë në QSUT. Sipas këtij informacioni dhe është informacion i brendshëm, nga një punonjës që punon aty, duke gdhirë e premtja në QSUT kanë ikur dritat për më shumë se dy orë. Sipas tij ka pasur katër të sëmurë rëndë që kanë humbur jetën gjatë kësaj periudhe pasi kanë qenë te intubuar. Për dy orë nuk ka funksionuar asgjë, as Backup, apo mënyra të tjera që duhet të ketë një qendër e rëndësishme shëndetësore. Nëse ky informacion është i vërtetë, do të ishte një skandal shumë i madh. Një spital si QSUT a mund të rri pa drita. A është e vërtetë që të premten në mëngjes duke u gdhirë kanë ikur dritat. Pse s’ka punuar gjeneratori. Ku janë dërguar pacientë.
Pentavinji: Nuk ka nevojë të mblidhet komisioni për të bërë një seancë me ministren, derisa ajo të japë përgjigjet në parlament, por derisa të enjten është lënë mbledhja dhe vendosur që të ketë një seancë me pyetje që ju keni hetuar do ezaurohet si gjë pjesa e përgjigjeve. Pa diskutim jemi të shqetësuar për mosfunksionimin e urgjencës së QSUT si pasojë e zjarrit. Po hetohet nga ana penale mbase ka një lloj penaliteti. Për sa i përket ditës së premte, isha 4-5 orë në reanimacion, nuk është e vërtetë që kanë vdekur 4 vetë, mjekët e përballuan.
Top Channel