Policia e Elbasanit ka parandaluar përshkallëzimin e konfliktit për motive të dobëta midis disa adoleshentëve, rreth orës 20:30 të ditës së djeshme.
Një 17 vjeçar ka përfunduar në pranga, ndërsa nën hetim në gjendje të lirë janë një 16-vjeçar dhe një 14-vjeçar, të implikuar në konflikt.
I arrestuar ka dëmtuar lehtë me thikë 16-vjeçarin. Mjeti prerës është sekuestruar nga policia. Ai gjithashtu ka dhunuar fizikisht 14-vjeçarin, ndërsa këta të fundit e kanë goditur atë, me shkop prej druri.
“Menjëherë pas marrjes së njoftimit, rreth orës 20:30, të datës 02.04.2024, për një konflikt ndërmjet disa adoleshentëve, në lagjen “Syrja Dylgjeri”, shërbimet e Komisariatit të Policisë Elbasan dhe ato të Forcës së Posaçme “Shqiponja” kanë shkuar menjëherë në vendngjarje, për të sqaruar rrethanat e rastit dhe për të nxjerrë përpara përgjegjësisë penale, përgjegjësit”, thuhet në njoftimin e policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
Top Channel
