Me kërkesë të Gjykatës së Apelit në Tiranë nis rindërtimi i skenës së krimit për ngjarjen e prillit 2021, ku mbeti i vrarë Pjerin Xhuvani.
Gjykata u kërkoi ekspertëve rindërtimin e vendit të ngjarjes, ndërsa këta të fundit kërkuan angazhimin maksimal te policisë se Elbasanit për të bërë të mundur rindërtimin e skenës së krimit.
Policia e Elbasanit ka nisur këtë mbrëmje vendosjen e shiritëve rrethues dhe ndalimin e parkimit për tu lënë ekspertëve hapësirë të punojnë. Gjykata ka caktuar tre ekspertë, njëri prej tyre ekspert balistik dhe i vendngjarjeve në policinë e shtetit.
Eksperimenti hetimor vjen pas kërkesave të të akuzuarit për vrasjen e Pjerin Xhuvanit, Arbër Paplekaj i cili kërkoi të caktohet këndi i qitjes jo vetëm prej tij por edhe dy persona të tjerë që nuk janë identifikuar ende pas kësaj ngjarjes.
Kjo do të jetë hera e dytë që rindërtohet ngjarja. Me herët, prokuroria e Elbasanit rindërtoi ngjarjen në korrik të vitit 2022.
Top Channel
