Libanezët e zhvendosur nga ofensiva e Izraelit, “optimistë’ për armëpushimin dhe kthimin në shtëpi (fotot)
26/11 19:17
Barcelona ka gjetur një “armë” të re në përpjekjet e saj për të mbajtur nën kontroll popullsinë pëllumbave që sa vjen e shtohet.
Bëhet fjalë për shqiponjat dhe skifterët që po i përdorin kundër këtyre zogjve.
Si pjesë e një eksperimenti, ekipet prej tre ose katër zogjsh grabitqarë kanë filluar të patrullojnë një zonë rreth “Camp Nou”, terreni i futbollit të klubit të Barcelonës, nga ora 08:00 deri në orën 16:00.
Pëllumbat kishin pushtuar zyrat e klubit, por po përhapeshin edhe në godinat rezidenciale duke sjellë shqetësime për banorët.
“Zogjtë mund të hanë disa pëllumba, por nuk është ky qëllimi”, tha Albert Tomás, zëdhënësi i kompanisë së kontraktuar për të kryer punën. Ai shtoi se vetëm pamja e shqiponjave në fluturim i tremb pëllumbat dhe u tregon atyre se është koha për t’u larguar.
Tentativa e re vjen pas disa përpjekjeve të dështuara të bashkisë për të kontrolluar popullatën prej rreth 80 000 pëllumbash, pasi fillimisht kishin hedhur kontraceptivë në ushqimin e tyre.
Në disa zona përqendrimi i pëllumbave në Barcelonë është dy herë më i madh se numri rekomanduar.
Top Channel
