Kishte planifikuar grusht shteti pasi humbi zgjedhjet? Autoritetet akuzojnë ish-presidentin e Brazilit si organizator 23/11 18:10
Një video e përhapur në rrjetet sociale, e cila i tregonte duke vallëzuar në sheshin e Teheranit, vulosi fatin e dy grave të arrestuara me pretekstin se veprimi i tyre përbënte një “kundërshtim shoqëror”.
Prokuroria e kryeqytetit Iranian urdhëroi ndalimin grave për “veprime që thyejnë normat”, sipas raportimit nga agjencia e lajmeve Tasnim. Të dyja ato ishin veshur sipas një personazhi imagjinar iranian, i njohur si “Haxhi Firuz”. Haxhi Firuz tradicionalisht lidhet me festimet që çojnë në Nevruz – Viti i Ri Persik, që shënon fillimin e pranverës më 20 mars.
Në Republikën Islamike, kanë shtuar ndjeshëm tensionet lidhur me sjelljen në publik dhe zbatimin e kodit të rrepte vendas të veshjes. Por përmes një video në mediat sociale u raportua dhe një incident në qytetin e Qomit, ku një klerik filmonte një grua e cila kishte çuar fëmijën në një klinikë mjekësore, dhe nuk mbante hixhabin. Kjo shkaktoi reagime në mediat sociale, me raportimet fillestare që pretendonin se gruaja, së bashku me stafin e klinikës, u përballën me arrestimin nga ana e inteligjencës së Gardës Revolucionare Islamike.
Prokurori i Qomit ka urdhëruar më pas një hetim për të identifikuar personat përgjegjës për shpërndarjen e pamjeve në media. Hixhabi, ose shalli islamik i kokës, u bë i detyrueshëm për gratë dhe vajzat mbi moshën 9-vjeçare në vitin 1981, dy vjet pas Revolucionit Islamik në Iran. Megjithatë, gjithmonë e më shumë gra e kanë shkelur rregullin në rrjedhën e viteve dhe kanë shtyrë kufijtë e asaj që zyrtarët thonë se është veshje e pranueshme.
Top Channel
