U shpall fajtor për publikimin e dokumenteve sekrete të Pentagonit, 22-vjeçari dënohet me 15 vite burg 12/11 22:43
Analisti Spartak Ngjela, teksa komentoi seancën e një dite më parë në Kuvend, u shpreh se kaosin në organin ligjvënës, e shkakton korrupsioni.
Në një intervistë për “Breaking” në Top News, Ngjela u shpreh se frika nga ndjekja penale ka çuar të djathtën në këtë situatë. Por, shtoi ai, kryengritja nuk mund t’i sjellë në pushtet demokratët.
“Ngërçin në Kuvend e krijon korrupsioni, nuk kanë shpresë tjetër ata. Është frika e goditjes penale nga korrupsioni, që e bën PD-në të vijë në këtë gjendje. Janë rrugë pa krye, sepse sado që ta zgjasin, nuk kanë mundësi të vijnë në pushtet me kryengritje. Kush do ta bëjë kryengritjen?
E dyta, janë në monitorim ndërkombëtar. Asgjë nuk mund të ndodhë. E treta, ka një moment që po dëmton Shqipërinë.
Atëherë, këta që kërkojnë të vijnë në pushtet, vijnë për të shkatërruar vendin apo për ta ndërtuar?”
Seanca parlamentare e një dite më parë, në të cilën ishte parashikuar që deputetët të flisnin për problemet e zonave të tyre zgjedhore, zgjati vetëm 7 minuta.
Deputetët e Rithemelimit u rikthyen në foltoren e Kuvendit duke e bllokuar atë, teksa përdorën edhe zhurmuesit për të pamundësuar dëgjimin e fjalimeve të deputetëve socialistë.
Rithemelimi prej muajsh kërkon ngritjen e disa komisioneve hetimore dhe marrjen e bashkë drejtimit të komisionit të reformës zgjedhore, kërkesa që nuk janë plotësuar nga mazhoranca.
Top Channel
