![](https://top-channel.tv/wp-content/uploads/2024/09/0-2024-09-07T190138.257-800x450.jpg)
Ndërkohë shpërthimi i djeshëm ka dëmtuar rëndë edhe banesat që ndodheshin pranë zonës industriale në Lushnje, të shkatërruara nga impakti i shpërthimit kanë qenë edhe bizneset.
Për gazetarin e Top Channel, Bedar Korreshi një biznesmen është shprehur se shpërthimi i ka bërë shumë dëme, në mall, në dyqan, në shtëpi.
Pjesë nga biseda:
Në momentin e shpërthimit ishim duke punuar si normalisht, vetëm kur dëgjojmë një shpërthim të madh. Tronditja ishte shumë e fuqishme, na ka bërë shumë dëme, në mall, në dyqan, në shtëpi. Ishte një shpërthim shumë i madh.
Në momentin e parë çfarë menduat?
As vetë nuk po dinim çfarë të mendonim, ishte diçka shumë e madhe. Na tronditi. Thjesht menduam të shpëtonim çfarë kishim aty. Morëm fëmijët dhe dolëm përjashta. Të tjerat pastaj duke u qetësuar dhe duke parë dëmet.
Çfarë dëmesh?
Duke filluar që te pjesa e biznesit komplet. Shtëpia lartë që është bërë shoshë.
Juve keni edhe shtëpinë këtu?
Po shtëpia është në katin e tretë. Biznes dy kate. Është dëmtuar gjithandej.
Sa zgjati shpërthimi?
Dava sekondash. 2-3 sekonda por ishte shumë e fuqishme, ishim si të çakorduar. Se kuptuam dot nga na erdhi.
Vlen të theksohet se një grup ekspertesh nga policia, zjarrfikësja, inspektoriati shtetëror i enteve nën presion dhe prokuroria janë rikthyer në magazinën në Lushnje e cila pasditen e se premtes u shndërrua në skenë krimi.
Top Channel