Akuzohet për spiunazh në favor të Rusisë dhe Iranit, arrestohet punonjësi i ambasadës amerikane në Oslo 22/11 22:38
Presidenti amerikan Joe Biden bëri edhe një përpjekje tjetër për të siguruar ndihmën e shumë-nevojitur Kievit, duke u kërkuar sërish liderëve të Kongresit të miratojnë projektligjin për sigurinë kombëtare, i cili përfshin asistencë për Ukrainën dhe Izraelin dhe do të shmangte nga ana tjetër edhe një mbyllje të pjessshme të qeverisë së Shteteve të Bashkuara.
Pjesëmarrësit thanë se takimi, ka qenë i tensionuar. “Pasojat e mosveprimit janë të tmerrshme për Ukrainën”, paralajmëroi Biden përpara takimit të tij me udhëheqësin e shumicës në Senat, Chuck Schumer, udhëheqësin e pakicës në Senat, Mitch McConnell, kryetarin e Dhomës së Përfaqësuesve Mike Johnson dhe udhëheqësin e pakicës në Dhomën e Përfaqësuesve Hakeem Jeffries.
“Ndihma për Ukrainën mendoj se është urgjente. Pasojat e çdo dite që kalon me mosveprim për këtë vend, do të kushtojnë shtrenjtë”, Biden.
Mos mbështetja e Kievit, nënvizoi ai, do t’u jepte një sinjal aleatëve se ata nuk mund të llogarisin në mbështetjen e Shteteve të Bashkuara. Ndërkohë, kreu i Dhomës së Përfaqësuesve Mike Johnson, që zhvilloi dhe një takim të shkurtër privat me Biden, nuk dha asnjë sinjal se mund të lëvizë drejt kalimit të projektligjit për votim, edhe pse theksoi se Kongresi ka punuar me “mirëbesim” dhe “pa pushim” për zgjidhjen e ngërçit.
“Reforma kufitare ka përparësi ndaj ndihmës së Ukrainës. Prioriteti ynë kryesor është siguria e kufijve tanë. Është koha për veprim. Është një gjendje e rëndë, që duhet të zgjidhet dhe ne do të financojmë qeverinë dhe do të vazhdojmë të punojmë për këtë”, tha kryetari i Dhomës së Përfaqësuesve Mike Johnson.
Shtëpia e Bardhë u shpreh se kërkesat e Johnson për kufirin janë të paqarta dhe se as vetë nuk e di qartë se çfarë dëshiron. Liderët e Kongresit kanë kohë deri të premten për të rënë dakord mbi buxhetin e një pjese të qeverisë, duke përfshirë sektorët e bujqësisë, transportit dhe disa shërbime të veteranëve të luftës. Afati për të miratuar buxhetin për pjesën tjetër të qeverisë është një javë më vonë.
Top Channel
