Akuzohet për abuzime, arrestohet ish-zëvendësministri i Kilit! 59-vjeçari…
15/11 22:46
Shkencëtarët kanë zbuluar një specie të padokumentuar më parë të një anakonde gjigante në Amazonë, për të cilën thonë se arrin deri në 7.5m gjatësi dhe peshon deri në 500kg, çka e bën më të rëndin të njohur në botë.
Deri tani ishin njohur katër specie anakondash, nje prej te cilave eshte anakonda e gjelbër që jeton në pjesët tropikale të Amerikës së Jugut pranë lumenjve Amazon, Orinoco, e Esequibo dhe në disa prej degëzimet e tyre.
Kjo specie njihej për shpejtësinë e lëvizjes dhe aftësinë për të shtrënguar prenë deri në vdekje duke u sjellë rreth trupit të kafshës për t’i asfiksuar.
Por një studim i ri disa-vjeçar tregon tashmë se anakonda e gjelbër vjen në dy specie gjenetikisht të ndara.
Studiuesit punuan me popujt indigjenë Waorani për të kapur disa prej tyre anakondat e gjelbra veriore (Eunectes akayima) në rajonin Bameno të Amazonës ekuadoriane.
Speciet u filmuan për një dokumentar të rrjetit National Geographic’s ku studiuesit dokumentuan anakondat e që silleshin në ujëra të cekëta “teksa prisnin gjakun e tyre në sistemet e lumenjve.”
Studiuesit thanë se dokumentari është i vlefshëm për ruajtjen e anakondave që janë nga predatorët më të suksesshëm dhe të rëndësishëm për balancimin e ekosistemeve.
Anakondat dhe habitati i tyre rrezikohen nga bujqësia e kulturave të industrializuara si vaji i palmës apo aktivitetet minerare dhe ndotja e burimeve ujore./Independent/
Top Channel
