Noka “zbulon” arsyen e lirimit të Berishës: Ja çfarë e detyroi narkodrejtësinë t’i japë fund sagës së vuajtjeve për opozitën
27/11 12:03
Shkolla 9-vjeçare “Myrteza Sala” në Bilisht është institucioni më i ri arsimor që ka hapur dyert për 420 nxënës.
Lajmi është bërë me dije nga kryeministri Edi Rama, i cili përmes një postimi në faqen e tij zyrtare në rrjetet sociale, ka shpërndarë pamje nga ambientet e reja të shkollës.
Sipas Ramës, shkolla “Myrteza Sala” është një investim i Ministrisë së Arsimit dhe Sportit, me standardet më të mira bashkëkohore për qindra nxënës dhe mësuesit e tyre.
“Mirëmëngjes, dhe me një tjetër shkollë të re, 9-vjeçarja “Myrteza Sala” në Bilisht, një investim i Ministrisë së Arsimit dhe Sportit, që sot ka hapur dyert me standardet më të mira bashkëkohore për 420 nxënës dhe mësues, ju uroj një ditë të mbarë”- shkruan Rama.
Sipas projektit ndërhyrjet janë bërë kryesisht në pjesën e fasadave ekzistuese si dhe në ato të ambienteve sportive të cilat ishin amortizuar.
Krahas palestrës, shkollës, i janë shtuar dhe fushat sportive. Objekti i ri është konceptuar si një hapësirë unike, ku ambientet funksionale lidhen nëpërmjet një korridori qëndror midis tyre. Ndërtesa i përgjigjet nevojave aktuale si dhe prespektivave të zhvillimit të një shkolle në aspektin edukativ dhe në aspektin e mësimdhënies.
Top Channel
