U shpall fajtor për publikimin e dokumenteve sekrete të Pentagonit, 22-vjeçari dënohet me 15 vite burg 12/11 22:43
Bledi Çuçi mblodhi sot Grupin Parlamentar të Partisë Socialiste teksa pasdite pritet të zhvillohet seanca planare.
Në fjalën drejtuar deputetëve të mazhorancës, Çuçi bëri një përmbledhje të axhendës parlamentare për javën e re, si dhe kërkoi pjesëmarrje të deputetëve sidomos në seancën e ditës së enjtes kur pritet të kalojnë disa marrëveshje të rëndësishme, mes tyre edhe Protokolli me Italinë për Bashkëpunimin në fushën e Emigracionit.
Lidhur me amnistinë penale, Çuçi tha se nëse do të arritet dakordësi me opozitën edhe ky ligj do të përfshihet në seancën e ditës së enjte.
Ai shprehu dakordësi në parim për të zgjeruar bazën e përfituesve prej amnistisë ashtu sikundër ka propozuar edhe opozita. Shqetësim për miratimin pa vonesa të këtij ligji shprehu gjatë mbledhjes edhe Ministri i Drejtësisë, Ulsi Manja.
Gazetari i Top Channel, Muhamed Veliu, duke iu referuar një burimi nga grupi i Partisë Socialiste raporton se çështja e amnistisë, ku përfitues janë mbi 600 të burgosur, ka qenë kryefjalë e kësaj mbledhje.
Mbipopullimi në burgje, tha në këtë mbledhje ministri Ulsi Manja, duhet shpejtuar me amnistinë. “Përfitojnë mes të tjerëve rreth 350 protestues të opozitës për pjesëmarrje në tubime të jashtëligjshme”, u shpreh ai.
Top Channel
