Në bashkinë e Fushë Arrëzit, e cila vazhdon të këtë probleme nga dëbora, shtabi i Emergjencave civile u mblodh për të diskutuar gjendjen.
Në ndihmë të bashkisë, shkuan edhe disa borëpastruese të tjera, ndërsa u shpërndanë ndihma me ushqime për 420 familje. Prefektja Majlinda Angoni, gjatë takimit me kryebashkiakun Hil Çurri, tha se gjendja e jashtëzakonshme ka disa kritere për t’u shpallur.
“Çdo bashki ka buxhetin e ndarë për situatën e emergjente dhe asnjëherë nuk mundemi të themi se po kapin lajmin e shpalljes së gjendjes së jashtëzakonshme. Ka disa kushte për të shpallur gjendjen e jashtëzakonshme. Duhet të shfrytëzojmë të gjitha kapacitetet që ka bashkia në funksion. E kemi kuptuar vështirësinë e situatës. Rrugët nacionale janë të hapura”, tha Angoni,
Aktualisht, reshjet e dëborës kanë pushuar dhe po punohet për hapjen e rrugëve mes fshatrave.
Top Channel
