Sondazhi i ACP/Ipsos: Pesimizmi, çështja që po bashkon amerikanët në kohë polarizimi 17/11 23:00
Edhe pse jetojnë prej më shumë se një dekade në Gjermani, rreth 12 milionë njerëz atje ende nuk kanë një pasaportë gjermane dhe ligji i për nënshtetësinë i propozuar nga qeveria e i miratuar një ditë më parë, synon ta zgjidhë një ngërç të tillë.
Sipas këtij legjislacioni, ata që e sigurojnë vetë jetesën, mundet në të ardhmen të marrin pasaportën gjermane pas 5 dhe jo më 8 vjetësh. Ndërkohë, rastet e arritjes së një integrimi të veçantë siç mund të jetë angazhimi tek zjarrfikësit vullnetarë, ndihmon që pasaporta gjermane të merret edhe për tre vjet.
Po kështu e reja tjetër që ky ligj sjell është mundësia e nënshtetësisë së dyfishtë për të gjithë ata, që nuk janë qytetarë të BE. “Njerëzit që prej vitesh jetojnë këtu, kanë qasje të plotë tek e drejta demokratike për të votuar, pa e varur në gozhdë historinë e vet”, tha për gazetën “taz” Konstantin von Notz, zëvendëskryetar i grupit parlamentar të Të Gjelbërve, kundrejt gazetës “taz”.
Por unioni i CDU dhe CSU në opozitë e kritikon reformën e nënshtetësie. Deputeti i CSU dhe Sekretari i Përgjithshëm i saj, Alexander Dobrindt e ka cilësuar këtë nismë si “një ofrim me çmim të lirë” të nënshtetësisë gjermane.
“Të ruhet vlera e nënshtetësisë gjermane” ishte titulli i një kërkese të grupit parlamentar konservator, ku vlerësohet si “tërësisht e gabuar” reforma. Aty theksohet se reforma e qeverisë injoron “krizën e emigracionit dhe problemet e integrimit”, ndërsa ligji konsiderohet si “zhvlerësim i nënshtetësisë gjermane”.
Unioni kërkon një projektligj, që “të drejtën e nënshtetësisë e zhvillon me kujdes dhe të orientuar nga realiteti”, ndërsa insiston se me këtë lëvizje, qeveria nuk ndryshon thjesht një ligj me nënshtetësinë, ajo ndryshon shoqërinë gjermane.
Top Channel
