Kandidati prorus prin në zgjedhjet presidenciale në Rumani 25/11 08:36
Janë mbushur 100 ditë nga momenti kur Hamasi nisi një ofensivë të përgjakshme ndaj Izraelit.
Në Telaviv me mijëra njerëz u mblodhën për të kujtuar sulmin e 7 Tetorit, nga ku nisi ajo që tashmë njihet si lufta Hamas-Izrael.
Pamjet e vrasjes të rinjve izraelit dhe marrja e tyre peng nga një festival prodhoi një reagim të fortë nga Izraeli duke ndërmarrë një ofensive bombardimesh nga ajri në Gaza.
Ofensiva ajrore dy javë më pas u shoqërua nga futja e forcave tokësore në Gaza nga ku zbuluan me qindra tunele baza të Hamas.
Izraeli thotë se si pasojë e kësaj ofensive ushtarake Hamasi është dobësuar maksimalisht deri në pamundësinë e organizimit të sulmeve në veri të Gazas.
Sipas ministrisë së shëndetësisë në Palestineze e kontrolluar nga Hamas, nga sulmet janë vrarë më shumë se 23.000 palestinezë.
Tanimë 85% e Gazas është e pabanueshme.
Megjithëse një numër pengjesh në duart e Hamasit janë liruar shumë të tjerë për plot 100 ditë vijojnë të jenë nën kontrollin e militantëve palestinez të Hamas.
BBC thotë se “E ndërsa ushtria izaelite e vijon operacionin ushtarake ndaj fronteve të Hamasit në qendër dhe Jug të Gazas, dita e përfundimit të luftës është e largët”.
Izraeli e ka bërë të qartë se lufta nuk do të përfundojë deri në momentin kur Hamasi të jetë mundur përfundimisht.
Top Channel
