Detajet/ Atentat me snajper, ekzekutohet brenda në banesën e tij 22-vjeçari nga Vlora
07/01/2024 22:52
Aksident me vdekje në aksin rrugor Shkodër-Koplik 26/11 08:19
Një 22-vjeçar i quajtur Gëzim Sinomataj është qëlluar për vdekje në katin e tretë në ballkonin e shtëpisë së tij në Vlorë.
Gëzim Sinomataj dyshohet se u qëllua me snajper nga persona ende të paidentifikuar. Si pasojë e goditjes, 22-vjeçarri, ndërroi jetë në vend. Vrasja ndodhi rreth orës 22:00, ndërsa hetuesit shkuan menjëherë në vendngjarje.
Ata mblodhën provat e para si dhe sekuestruan kamerat e sigurisë rreth zonës. Po ashtu morën dhe dëshmitë e të afërmve të viktimës ndërsa po ushtrojnë kontrolle në të gjitha pallatet për të zbuluar vendin se nga ku hapën zjarr vrasësit
22-vjeçari kishte pak kohë që ishte kthyer nga Belgjika në qytetin bregdetar për të kaluar pushimet pranë të afërmeve të tij. Ende nuk dihet shkaku i vrasjes së tij, ndërsa paraprakisht hetuesit po e lidhin ngjarjen me përplasjen mes grupeve kriminale. Më herët xhaxhait të tij iu vendos lëndë eksplozive në makinë.
Ndërkohë në ndihmë të uniformave blu u nisën dhe forcat speciale të Renea-s si dhe Forcat Kombëtare të Sigurisë dhe Delta Forcë.
Top Channel
