U shpall fajtor për publikimin e dokumenteve sekrete të Pentagonit, 22-vjeçari dënohet me 15 vite burg 12/11 22:43
Deputeti Ervin Salianji në një postim në Facebook, ka reaguar për vendimin e Qeverisë për taksimin e profesioneve të lira, duke e cilësuar si ligji për falimentimin e profesionistëve të lira dhe shkatërrimin e shtresës së mesme.
“Rilindja nuk i duron dot njerëzit e lirë! Në Gjirokastër, me profesionistë të rinj, mjekë, avokatë, operatorë turistikë etj!
Ligj për goditjen e profesionistëve, shkatërrimin e shtresës së mesme dhe falimentimin e profesioneve të lira. Ky është thelbi i nismës të miratuar pak ditë më parë. Vendimi i Këshillit të Ministrave, që përfshin taksimin me 23% për çdo profesionist, si aktivitetet e shërbimeve të IT, të kontabilitetit, avokatët, arsimin, mjekët, pasuritë e paluajtshme, agjencitë e lajmeve, agjencitë e punësimit, sportit operatorët turistikë etj, është një akt sulmi, një agresion ndaj atij segmenti të shoqërisë që qeveria e rilindja nuk e kontrollon, e nuk e trysnon dot për vota.
Ligji ka synim “deportimin” e shtresës së mesme nëpërmjet mbitaksimeve. Duke i diferencuar nga bizneset tregtare apo nga oligarkët ky ligj është më shumë një taksë mbi xhiron se sa tatim mbi pjesën e fitimit.
Në fakt është një gjobë mbi lirinë e tyre. Qeveria, rilindja, Edi Rama, nuk i durojnë dot njerezit e lirë.
Sipas qeverisë të vetpunësuarit në profesionet e lira apo të shërbimeve të lartpërmendura që kanë xhiro 0-14’000’000 lekë të reja do taksohen 15 % mbi 70 % te xhiros ose thene dhe me thjesht (15%X70%) =10.5 % të xhiros, gjithashtu kjo kategori nëse realizon një qarkullim mbi 14’000’000 leke të reja do taksohet 23% mbi 70% të xhiros thënë më qartë (23%X70%) = 16.1 % te xhiros.
Këto lloj taksimesh mbi xhiron e bëjnë këtë fashë kategorinë më të tatuar në vend!
Norma eficente e tatimit mbi xhiron sipas bilanceve që bizneset e mëdha deklarojnë me QKB, në asnjë rast nuk kalon 5% të xhiros. Pra, 2-3 herë më pak se sa profesionet e lira.
Trajtimi i profesionistëve si armiq është politika e dëbimit të kujtdo që nuk kontrollohet dot nga qeveria. Profesionistët marrin përsipër gjithë risqet e biznesit, paguajnë taksa dhe tarifa, punojnë 365 ditë të vitit, çdo pushim e ka mungese në xhiro dhe çdo shpenzim të aktivitetit e mbulon me të ardhurat e veta.
Tani profesionet e lira do të marrin edhe barrën e pagesës për korrupsionin qeveritar, qe paratë e mundit të tyre të shkojnë në llogari of shore”, shkruan Salianji.
Top Channel
