Skandali i fondeve shtetërore, ish-kryeministri i Malajzisë dënohet me 15 vite burg 26/12 23:00
Detaje të reja janë zbuluar në lidhje me sulmin që ndodhi në veri të Meksikës ku mbetën të vrarë gjashtë persona dhe 26 të tjerë u plagosën.
Sipas mediave vendase ngjarja ndodhi në një banesë ku po festohej ditëlindja e një vajze 15-vjeçare.
Tre personat që hapën zjarr, ndërsa një i katërt i shoqëronte, dyshohet se kishin nën shënjestër një person, anëtar i një bande kriminale. Ky i fundit, identiteti i të cilit nuk bëhet i ditur, mbeti i vrarë pas të shtënave.
“Masakra ishte një sulm ndaj një anëtari të një grupi kriminal, i cili kishte urdhër-arreste aktive për disa krime”, njoftoi prokuroria.
Tre burra dhe tre gra mbetën të vrarë, në mesin e tyre dyshohet se janë dy vajza 14-vjeçare.
Autoritetet shtetërore njoftuan se 26 persona mbetën të plagosur, shumica e të cilëve janë në gjendje të mirë shëndetësore, përveç katër që ndodhen në kujdesin intensiv.
Top Channel
