Irani konfirmon se do t’i diskutojë çështjet bërthamore me tri shtete perëndimore/ Pritet të gjejë zgjidhje para rikthimit të Trump 24/11 15:21
Ministria e Ekonomisë e rajonit të Tajvanit njoftoi sot se ka zgjeruar listën e mallrave të sanksionuara për Rusinë dhe aleatin e saj Bjellorusi.
Zgjerimi i sanksioneve erdhi si përgjigje ndaj pushtimit rus të Ukrainës, me qëllim parandalimin e përdorimit të mallrave të teknologjisë së lartë të Tajvanit për qëllime ushtarake.
Tajvani e ka dënuar sulmin e Rusisë dhe i është bashkuar tashmë sanksioneve perëndimore, megjithëse kjo është kryesisht simbolike pasi Taipei ka shumë pak tregti të drejtpërdrejtë mallrash me Rusinë, raporton Reuters.
Duke njoftuar raundin e fundit të sanksioneve, ministria e ekonomisë e Tajvanit tha se masa ishte bërë “për të parandaluar eksportin e mallrave tona të teknologjisë së lartë për qëllime ushtarake”.
Lista përfshin pajisje për prodhimin e gjysmëpërçuesve, në prodhimin e të cilave rajoni është lider botëror, si dhe disa kimikate dhe ilaçe, që kishin për qëllim ndikimin në industrinë e çipave.
Sanksionet e reja janë në përputhje me ato të shpallura tashmë nga Bashkimi Evropian, Shtetet e Bashkuara të Amerikës dhe vende të tjera.
Top Channel
