Ambasadori rus nuk mori pjesë në darkën e fundvitit, Rama: Zgjedhje e rëndë e vendit të tij për të dalë nga radhët e paqedashësve 24/12 21:57
Noel Malcolm, President i Shoqatës Anglo-Shqiptare dhe Anëtar Nderi i Akademisë Shqiptare në një deklaratë shprehet se përzgjedhja e Uran Ferizit si ambasador është zgjedhje e duhur nga autoritetet shqiptare.
Ai thekson se Ferizi ka një kombinim të jashtëzakonshëm të aftësive, ndërsa ka një mendje shumë analitike.
“Unë e njoh shumë mirë Dr. Uran Ferizin, pasi e kam njohur për herë të parë kur ishte student në universitetin tim, Oksford. Mendoj se vendimi për ta emëruar atë si ambasador të Shqipërisë në MB ishte një vendim i frymëzuar dhe i përgëzoj autoritetet shqiptare për zgjedhjen kaq të mirë.
Unë kam njohur çdo ambasador shqiptar në Londër që kur erdhi i pari në 1991, në fund të komunizmit. Të gjithë kanë pasur cilësi pozitive dhe i kanë shërbyer shumë mirë vendit të tyre. Por Dr Ferizi ka një kombinim të jashtëzakonshëm të aftësive. Anglishtja e tij është krejtësisht e përsosur, pa asnjë gjurmë të theksit të huaj dhe ai kupton çdo nuancë të gjuhës. Vitet e shumta që kaloi duke jetuar në MB i dhanë gjithashtu një njohuri të thellë për kulturën, funksionimin e medias dhe natyrën e politikës britanike. Ai ka mbajtur gjithmonë një interes të ngushtë për çështjet politike të Mbretërisë së Bashkuar dhe ka njohuri jo vetëm për çështjet e politikave, por edhe për anëtarët individualë të Parlamentit dhe pikëpamjet e tyre. Si një shkencëtar kërkimor, ai ka një mendje shumë analitike: ai është një zgjidhës i natyrshëm i problemeve. Por në të njëjtën kohë ai ka aftësi shumë të mira në marrëdhëniet me njerëzit; ai është i shoqërueshëm dhe i pëlqyeshëm”, thotë Malcolm.
Anëtari i Akademisë Britanike shprehet se nuk ka asnjë dyshim se ai do t’i shërbejë jashtëzakonisht mirë Shqipërisë dhe do të forcojë marrëdhëniet me Britaninë e Madhe.
“Nuk kam asnjë dyshim se ai do t’i shërbejë jashtëzakonisht mirë Shqipërisë dhe do të forcojë marrëdhëniet me Britaninë e Madhe, e cila mbetet një nga vendet më të rëndësishme në Evropën Perëndimore. Kështu që e kam të vështirë të kuptoj motivet e çdo shqiptari që përpiqet të minojë përfaqësuesen e vendit të tyre në këtë kohë.
Është e vërtetë që ai ka hyrë për herë të parë në Britaninë e Madhe si emigrant ilegal në vitin 1998, kur ishte 17 vjeç. Unë e di që kur Ministria e Jashtme shqiptare ia paraqiti emrin e tij autoriteteve të Mbretërisë së Bashkuar, ata u sollën shumë korrekt dhe e informuan Britaninë e Madhe për këtë fakt. Është e qartë se Ministria e Jashtme e Mbretërisë së Bashkuar vendosi më pas, gjithashtu shumë korrekt, që veprimet e një nxënësi 17-vjeçar 25 vjet më parë nuk duhet të shihen si pengesë për një emërim të shkëlqyer diplomatik sot. Çdo qytetar shqiptar mund të ndihet krenar që do të ketë si përfaqësues Dr Ferizin në Londër”, mbyll ai deklaratën.
Top Channel
