Analiza/ Shërbimet sekrete perëndimore akuzojnë Moskën për luftë hibride. Si funksionon ky fenomen? 29/11 09:29
Pesë fëmijët, një vajzë dhe katër djem kanë humbur jetën nga zjarri në një shtëpi në Bullhead City, Arizona, të shtunën.
Katër nga viktimat, vajza, katër dhe tre nga djemtë, dy, pesë dhe 13-vjeç, ishin vëllezër e motra.
Fëmija i pestë, një djalë 11-vjeçar, ishte një i afërm i familjes dhe ishte për vizitë në atë kohë.
Babai i katër fëmijëve u tha hetuesve se i kishte lënë në shtëpi për rreth dy orë e gjysmë, ndërsa ai po bënte pazar për ushqim dhe dhurata për Krishtlindje, sipas Departamentit të Policisë së qytetit Bullhead.
Sipas policisë në atë moment nuk kishte asnjë të rritur tjetër në shtëpi. Për shkak se viktimat janë nipërit e një punonjësi të Departamentit të Zjarrfikësve të qytetit Bullhead, ekipe nga Departamenti i Zjarrfikësve të qytetit të liqenit Havasu dhe Byroja Federale e Alkoolit, Duhanit, Armëve të Zjarrit dhe Eksplozivëve janë sjellë për të ndihmuar hetimin e policisë.
Hetuesit besojnë se zjarri filloi në katin e poshtëm dhe u ngjit në shkallët e vetme brenda shtëpisë, duke i penguar fëmijët të dilnin. Thuhet se disa fqinjë vendosën një shkallë shtesë në dhomën e gjumit në katin e sipërm, por nuk ishin në gjendje t’i nxirrnin fëmijët jashtë.
Policia tha se pesë trupat ndodheshin në të njëjtën dhomë gjumi në katin e sipërm të shtëpisë, afër lumit Kolorado dhe kufirit të Nevadës.
Shefi i policisë së qytetit Bullhead, Robert Trebes, tha se hetuesit “po punonin pa u lodhur për të marrë përgjigje” në lidhje me shkakun e zjarrit dhe “të sillnin paqe për prindërit dhe familjet e përfshira”.
Top Channel
