Një 60-vjeçar ranë prangat e policisë së kufirit në Qafë Morinë, pasi tentoi të kalonte kufirin me lëndë piroteknike dhe mallra të padeklaruara.
Shërbimet e Policisë Kufitare në Qafë Morinë kaluan në vijën e dytë për kontroll më të imtësishëm automjetin tip “Touran”, me drejtues M. Gj.
Gjatë kontrollit të ushtruar në automjetin e tij, shërbimet e Policisë gjetën dhe sekuestruan 131 fishekzjarrë, 4500 kapsollë, veshje dhe mallra të ndryshme, të padeklaruara.
Në përfundim të veprimeve hetimore, specialistët për Hetimin e Krimeve të DVKM Kukës arrestuan në flagrancë, shtetasin M. Gj., 60 vjeç, banues në Fushë Arrëz, ndërsa materialet procedurale iu referuan Prokurorisë për veprime të mëtejshme.
Top Channel
