Qeveria amerikane nuk është plotësisht transparente për atë që di për UFO-t, sipas një gazetari që sapo shkroi një libër mbi këtë temë.
Garrett Graff, autor i “UFO: Historia e brendshme e kërkimit të qeverisë amerikane për jetën e huaj këtu – dhe atje”, ndau njohuri për punën e tij, gjatë një interviste në NBC News Now me prezantuesin Chuck Todd.
“Ka diçka të vërtetë këtu. Ka gjëra atje jashtë në hapësirën tonë ajrore që ne nuk i kuptojmë se çfarë janë dhe që ato mund të përfaqësojnë teknologji të re të shkëlqyer kundërshtare, por ato gjithashtu mund të përfaqësojnë shkencën që ne nuk e kuptojmë në fusha të tilla si meteorologjia apo astronomia. Besoj se qeveria po mbulon njëfarë niveli njohuritë për UFO-t”, tha ai.
“Ajo për të cilën nuk jam i bindur, është se qeveria po mbulon njohuritë kuptimplota të anijeve kozmike aliene, vizitorëve të huaj, kontakteve jashtëtokësore”, shtoi Graff.
Një pjesë e “sfidës” së identifikimit të UAP-ve ose ndryshe UFO-ve shpjegoi Graff, është krijimi i një “vijë bazë” me ndihmën e sensorëve dhe instrumenteve të tjera për atë që mund të qarkullojë rreth Tokës në një bazë tipike. Ai nuk e përjashtoi plotësisht perspektivën e jashtëtokësoreve, duke pohuar se ato mund të kalojnë rreth nesh gjatë gjithë kohës dhe ne nuk kemi teknologjinë adekuate për t’i vërejtur, duke marrë parasysh faktorë të tillë si madhësia dhe shpejtësia e lëvizjes në një hapësirë të madhe.
Top Channel
