Akuzohet për spiunazh në favor të Rusisë dhe Iranit, arrestohet punonjësi i ambasadës amerikane në Oslo 22/11 22:38
Izraeli po përpiqet të shohë “nëse ka një mundësi” për të zgjatur pauzën e armiqësive me Hamasin që pritet të përfundojë të enjten në mëngjes.
Lajmi është bërë me dije nga një zyrtar i lartë izraelit. Pala izraelit konfirmoi për mediet këtë të mërkurë se
I pyetur nëse kishte në tryezë një ofertë për lirimin e të gjithë pengjeve në këmbim të lirimit të të gjithë palestinezëve në burgjet izraelite, zyrtari izraelit tha për mediet këtë të mërkurë se ata nuk ishin në dijeni të një mundësie të tillë, dhe dyshojnë shumë për ekzistencën e një “oferte të tillë”.
Zyrtari përsëriti se Izraeli beson se jo të gjithë pengjet në Gaza mbahen aktualisht nga Hamasi.
“Ne e dimë se çfarëdo që shefi i Hamasit, Jahja Sinwar vendos, ndodh. Ai mund t’i marrë ato nga duart e fraksioneve të tjera dhe të sigurohet që marrëveshja të zbatohet plotësisht,” tha zyrtari.
Më shumë se 40 nga pengjet e marra nga Izraeli në Gaza më 7 tetor nuk mbahen aktualisht nga Hamasi, por nga grupe apo individë të tjerë, i tha CNN të hënën një burim diplomatik i informuar mbi negociatat.
Armëpushimi fillestar katër-ditor, i cili ishte planifikuar të përfundonte të martën, shënoi përparimin e parë të madh diplomatik në konflikt, duke sjellë një pushim të përkohshëm në enklavën e rrethuar dhe lejuar lirimin e disa pengjeve dhe të burgosurve.
Top Channel
