![](https://top-channel.tv/wp-content/uploads/2024/09/MixCollage-07-Sep-2024-05-33-PM-5997-800x450.jpg)
Dhjetë persona kanë vdekur nga stuhitë e borës në Ukrainë, tha sot në një deklaratë ministri i Brendshëm Ihor Klymenko.
Erërat e ftohta dhe stuhitë kanë përfshirë Ukrainën që nga e diela, duke ndërprerë energjinë dhe duke bllokuar rrugët, veçanërisht në jug.
“Si rezultat i përkeqësimit të kushteve të motit, 10 njerëz vdiqën në rajonet Odesa, Kharkiv, Mykolaiv dhe Kiev”, shkroi Klymenko në aplikacionin Telegram.
“Njëzet e tre persona u plagosën, duke përfshirë dy fëmijë. Gjithsej 411 vendbanime në 11 rajone kishin humbur energjinë dhe më shumë se 1,500 automjete duhej të shpëtoheshin”, tha Klymenko.
Oleh Kiper, guvernator i rajonit të Odesës, ku pesë persona kanë vdekur si pasojë e motit të lig, tha se pothuajse 2.500 persona janë shpëtuar pasi ishin bllokuar nga bora.
Top Channel