![](https://top-channel.tv/wp-content/uploads/2024/09/modeles-800x450.png)
1300 avionë ngrihen dhe ulen gjatë një dite në zakonshme në aeroportin Heathroë në Britani dhe për këtë duhen 20 milionë litra karburant avioni çdo ditë.
Kjo sasi është e barabartë me mbushjen e makinës me karburant 400 mijë herë!
Karburanti dërgohet në aeroport direkt nga rafineritë dhe më pas ruhet në dy objekte të njohura si ferma karburanti. Vetë Aeroporti Heathroë nuk blen dhe shet karburant, por duhet të mendojë për infrastrukturën, dhënien e hapësirës për magazinim dhe tubacione, si dhe duke u siguruar që linjat ajrore dhe firmat e karburantit të kenë gjithçka që u nevojitet.
Por, aeroportet në mbarë botën duhet të rishikojnë përdorimin e karburantit. Në Mbretërinë e Bashkuar, sipas planit të qeverisë Jet Zero, deri në vitin 2040, industria e aviacionit në Mbretërinë e Bashkuar është angazhuar për të arritur zero emetime të karbonit.
Edhe Bashkim Europian ka një synim të ngjashëm. Karburanti i Qëndrueshëm i Aviacionit (SAF), karburanti që nuk vjen nga lëndët djegëse fosile, është një nga mundësitë. Linjat ajrore po e përdorin atë, zakonisht të përzier me karburant të rregullt avioni.
Megjithatë, edhe në këtë rast, ka dyshime nëse SAF mund të prodhohet me një çmim të lirë dhe në sasinë e nevojshme për të përmbushur nevojat e industrisë së linjave ajrore.
Për të qenë i dobishëm për industrinë e aviacionit, hidrogjeni duhet të jetë në formën e tij të lëngshme, që përfshin ftohjen e tij në minus 253 gradë. Trajtimi i një lëngu në atë lloj temperature është jashtëzakonisht sfidues. Për të arritur këtë, është një sfidë e madhe me rezervuarët dhe tubat që duhet të kenë izolime shtesë për të mbajtur lëngun e ftohtë.
Linjat ajrore duan të dinë nëse avionët me hidrogjen mund të furnizohen me karburant po aq shpejt sa avionët aktualë, pasi koha është shumë e rëndësishme në këtë industri.
“A jemi në gjendje të dërgojmë disa ton hidrogjen të lëngshëm në një kohë prej 15 apo 20 minutash? Ne po e përshtatim teknologjinë për këtë”, thotë Erëin Penforis nga biznesi global i hidrogjenit të kompanisë.
Megjithatë, instalimi i pajisjeve të nevojshme për ruajtjen dhe shpërndarjen e hidrogjenit në aeroporte nuk do të jetë i lirë. Konsulenca Bain & Company vlerëson se mund të kushtojë deri në një miliard dollarë për aeroport.
Kompania Universal Hydrogen thotë se ka një zgjidhje, që përfshin kryerjen e të gjitha pjesëve të ndërlikuara të trajtimit të hidrogjenit larg aeroportit, ndoshta në objektin ku prodhohet në të vërtetë gazi.
Kompania ka zhvilluar objekte speciale për të mbajtur hidrogjen të lëngshëm, të cilat më pas mund të dërgohen me kamion në aeroport. Më pas, ato mund të futen direkt në avion, pa pasur nevojë për pompa apo tuba.
Modulet janë jashtëzakonisht të izoluara dhe mund ta mbajnë hidrogjenin në formën e tij të lëngshme për katër ditë. Dy module do të mbanin 360 kg hidrogjen dhe do të ishin në garanton avion 500 milje fluturim.
Universal Hydrogen po modifikon një avion, duke vendosur një qelizë karburanti që mund të konvertojë hidrogjenin e lëngshëm në energji elektrike dhe duke e lidhur atë me motorët elektrikë që do të drejtojnë helikat. Dyer më të mëdha janë duke u montuar në mënyrë që modulet të mund të ngarkohen në aeroplan. Nëse gjithçka shkon sipas planit, fluturimet testuese do të fillojnë vitin e ardhshëm.
Mark Cousin, shefi i teknologjisë, në Universal Hydrogen, thotë se hidrogjeni ka më shumë gjasa të përdoret për fluturimet rajonale, por karburanti i rregullt i avionëve do të jetë ende i nevojshëm për operacionet në distanca të gjata.
Gjithsesi, ende nuk mund të thuhet nëse hidrogjeni do të bëhet një lëndë djegëse kryesore për aviacionin. Avionët e fuqizuar nga hidrogjeni janë ende në fazat e hershme të zhvillimit. Ndryshe nga avionët e tanishëm, të cilët mund të ruajnë karburantin në krahët e tyre, avionët me hidrogjen do të duhet të ruajnë karburantin e tyre në trup, duke i lënë hapësirë pasagjerëve. Përveç kësaj, ekziston edhe pyetja nëse do të ketë mjaftueshëm hidrogjen të gjelbër miqësor ndaj mjedisit për të përmbushur kërkesën.
Burimi: BBC
Top Channel