“Libani do të shpërbëhet”, Borrell: Nuk ka asnjë justifikim për Izraelin, të pranojë marrëveshjen me Hezbollahun 26/11 15:35
Asnjë vend tjetër përveç Islandës nuk është më i përgatitur për vullkanet dhe fatkeqësitë e tjera natyrore, tha kryeministrja e saj të shtunën, ndërsa autoritetet po përgatiten për një shpërthim të mundshëm llave në jugperëndim të kryeqytetit Rejkjavik.
Rreth 4.000 banorë të Grindavik, një port peshkimi rreth 40 kilometra nga kryeqyteti, u evakuuan më 11 nëntor pasi zhvendosja e magmës nën koren e Tokës shkaktoi qindra tërmete, një paralajmërim ky për një shpërthim të mundshëm vullkanik.
Mijëra lëkundje më të vogla sizmike që atëherë kanë tronditur zonën, me disa shtëpi dhe struktura të tjera që kanë pësuar dëme të rënda. “Ne kemi përvojë të gjatë në trajtimin e shpërthimeve vullkanike. Ne e dimë se nuk është domosdoshmërisht një vendim i shëndoshë për të ndërtuar për shembull mekanizma mbrojtës kur keni një pasiguri kaq të madhe se ku mund të ndodhë një shpërthim“, tha kryeministrja e Islandës.
Gadishulli i Rejkjanes nuk kishte parë një shpërthim prej afro tetë shekujsh, para se ta përjetonte një të tillë në vitin 2021. Që atëherë, tre shpërthime kanë ndodhur,të gjitha në zona të largëta të pabanuara, dhe vullkanologët thonë se ky mund të jetë fillimi i një epoke të re aktiviteti në rajon.
Top Channel
