Agjencia Hapësinore e Mbretërisë së Bashkuar tha se sateliti i ri do të sigurojë “të dhëna të vlefshme dhe të përditësuara rregullisht” në Tokë dhe do të ndihmojë në zbulimin, monitorimin dhe reduktimin e rrezikut të fatkeqësive natyrore.
Një satelit i ri që do të ndihmojë shkencëtarët të monitorojnë ndryshimet klimatike dhe fatkeqësitë natyrore, ai do të ndërtohet dhe financohet nga Britania e Madhe.
Vendi do t’i bashkohet Portugalisë dhe Spanjës në projektin ‘Atlantic Constelation’, i cili po zhvillon një grup satelitësh për të monitoruar Tokën.
Agjencia Hapësinore e Mbretërisë së Bashkuar po ofron 3 milionë funte për një satelit të ri, me bashkëfinancim nga ‘Open Cosmos’, bazuar në Kampusin Hapësinor ‘Harwell’ në Oxfordshire.
Sateliti i ri do të sigurojë “të dhëna të vlefshme dhe të përditësuara rregullisht” në planet.
Ai gjithashtu do të ndihmojë në zbulimin, monitorimin dhe reduktimin e rrezikut të fatkeqësive natyrore.
Andrew Griffith, ministër në Departamentin për Shkencën, Inovacionin dhe Teknologjinë, tha: “Vëzhgimi i Tokës do të luajë një rol absolutisht jetik në trajtimin e sfidave globale si ndryshimi i klimës dhe lehtësimi i fatkeqësive, duke ofruar të dhënat që na nevojiten me shpejtësi, duke mbështetur industritë kryesore në Mbretërinë e Bashkuar, si bujqësinë dhe energjinë.
“Duke punuar me ‘Open Cosmos’ në një satelit të ri dhe duke mbështetur partnerët tanë në Atlantik, Spanjën dhe Portugalinë, ne mund të shfrytëzojmë teknologjinë hapësinore për qëllimet tona të përbashkëta, duke krijuar mundësi të reja aftësish dhe vende pune për të ardhmen për të rritur ekonominë e Mbretërisë së Bashkuar.”
Top Channel
