Gjermania “lodhet” nga ukrainasit/ Nëse fitojnë zgjedhjet, konservatorët do shkurtojnë ndihmat për 1.2 milionë refugjatë
25/11 13:30
Këshilli i Sigurimit i Kombeve të Bashkuara i dha dritën jeshile rezolutës së parë që nga shpërthimi i luftës Izrael-Hamas.
Këshilli i Sigurimit i Kombeve të Bashkuara i dha dritën jeshile rezolutës së parë që nga shpërthimi i luftës Izrael-Hamas.
Dokumenti bën thirrje për “pauza urgjente dhe të zgjatura humanitare” në Gaza, me qëllimin të ndihmohen civilët palestinezë në krizën e përshkallëzuar prej sulmeve ajrore dhe tokësore izraelite. 12 vende votuan pro rezolutës, mes tyre edhe Shqipëria. Nuk pati asnjë votë kundër, ndërsa Shtetet e Bashkuara, Mbretëria e Bashkuar dhe Rusia abstenuan.
Arsyeja e abstenimin të SHBA-së e Britanisë së Madhe ishte dështimi i rezolutës për dënimin e sulmit të përgjakshëm të Hamasit ndaj Izraelit në 7 tetor. Rusia nga ana tjetër zgjodhi të abstenonte për shkak të dështimit të rezolutës për të kërkuar një armëpushim humanitar, të cilin Izraeli dhe Shtetet e Bashkuara e kundërshtojnë. Drafti përfundimtar ishte me tone të zbutura duke kaluar nga kërkesa tek thirrja për pauza humanitare dhe për “lirimin e menjëhershëm dhe pa kushte të të gjithë pengjeve të mbajtura nga Hamasi dhe grupet e tjera”. Rezoluta e sponsorizuar nga Malta, arriti të kapërcejë dallimet serioze që e kishin penguar këshillin të miratonte katër rezolutat e mëparshme.
Rezolutat e Këshillit të Sigurimit të OKB-së janë ligjërisht të detyrueshme, ndryshe nga rezolutat e Asamblesë së Përgjithshme, por në praktikë shumë palë zgjedhin të shpërfillin kërkesat e këshillit. Izraeli reagoi menjëherë përmes ambasadorit në OKB, Gilad Erdan, i cili e quajti rezolutën të shkëputur nga realiteti dhe të pakuptimtë” dhe kritikoi dështimin e këshillit për të dënuar Hamasin. “Izraeli do të vazhdojë të veprojë derisa Hamasi të shkatërrohet dhe pengjet të kthehen”, u shpreh ai.
Top Channel
