Rrjeti social Instagram ka zgjeruar funksionin “Close Firends” nga Storie dhe Notes në publikimet në Reels.
Përdoruesit e Instagram tani mund të zgjedhin të ndajnë postimet e tyre dhe Reels me një grup më të vogël njerëzish të cilëve u besojnë më shumë në vend të të gjithë ndjekësve të tyre. Duke zgjeruar “Miqtë e ngushtë” në Reels, Instagra, shpreson t’u ofrojë përdoruesve më shumë mënyra për të qenë vetvetja. Ndarja e Reels dhe postimeve vetëm me miqtë e ngushtë është mjaft e thjeshtë.
Kur një përdorues krijon një postim, ai duhet të shkojë tek butoni Audience, më pas të zgjedhë opsionin Close Friends dhe në fund të prek butonin Share. Postimi ose Reels do të ketë një etiketim “Miq të ngushtë”, kështu që vetëm përdoruesit në listën e miqve të ngushtë do ta shohin atë.
Vlen të theksohet se lista e miqve të ngushtë do të jetë i njëjti grup njerëzish në të gjitha funksionet në Instagram. Sidoqoftë, Instagram po kërkon mënyra të tjera për të ndarë përmbajtjen me një audiencë më të vogël. Së fundmi, shefi i Instagramit, Adam Mosseri zbuloi se ekipi po eksperimenton me një veçori që lejon përdoruesit të ndajnë Stories me nëngrupe të ndryshme ndjekësish.
Instagram, platforma e medieve sociale në pronësi të Meta-s po lançon gjithashtu një veçori që i lejon përdoruesit e tyre të shtojnë tekstet e këngëve në videot Reels, ashtu sikurse në story-t në Instagram. Kjo vjen pasi u tha se Instagrami po testonte disa veçori të reja gjatë javëve të fundit. Disa nga ato veçori u përqendruan në përmirësimin e mënyrës se si ne i shikojmë feed-et tona dhe disa prej tyre kishin të bënin me postime bashkëpunuese.
Sidoqoftë, veçoria e re për shtimin e tekstit të këngës në Instagram Reels është një veçori që është e njohur për përdoruesit pasi është e disponueshme në Instagram Stories. Sjellim në vëmendje se Instagram ka shënuar rritje të konsiderueshme në Turqi. Pas Indisë, Turqia u bë vendi i dytë më aktiv me 153.6 milionë llogari aktive. Instagram është bërë një nga platformat e mediave sociale më të përdorura në botë. Sipas një raporti të publikuar nga një portal i specializuar për vlerësimin e faqeve të internetit, Turqia ka qenë ndër vendet me shkallën më të lartë të përdorimit të Instagramit që nga fundi i shtatorit.
Top Channel
