Turma në Pakistan linçon vizitorin me akuza të pakonfirmuara blasfemie (fotot)
21/06 21:52
Një zyrtar amerikan ka deklaruar se Hamasi ka një nyje komanduese nën spitalin Al-Shifa, të cilën e përdor për të marrë karburantin e destinuar për spitalin dhe se luftëtarët e tij grumbullohen rregullisht brenda dhe përreth Al-Shifa.
Informacioni vjen pas komenteve të bëra të dielën nga një zyrtar i lartë i Shtëpisë së Bardhë se spitali, i cili është më i madhi në Gaza, po përdorej jo vetëm për të trajtuar civilët.
“Ju mund të shihni edhe nga raportimi me burim të hapur se Hamasi përdor spitalet, së bashku me shumë objekte të tjera civile, për komandim dhe kontroll, për ruajtjen e armëve dhe strehimin e luftëtarëve të tij”- tha të dielën këshilltari i Sigurisë Kombëtare, Jake Sullivan. “Pa i hyrë pretendimeve specifike, kjo është historia e Hamasit, si historikisht ashtu edhe në këtë konflikt”.
Izraeli ka insistuar për ndërmarrjen e veprimeve ushtarake rreth spitalit, pavarësisht kritikave nga OKB-së, duke theksuar se luftëtarët e Hamasit fshihen në institucionin shëndetësor. Qeveria izraelite njoftoi se ka krijuar korridore evakuimi dhe bëri thirrje për largimin e civilëve nga vendi.
Hamasi dhe zyrtarët e spitalit kanë mohuar akuzat e qendrës komanduese.
“Nuk ka asnjë arsye pse ne thjesht nuk mund t’i nxjerrim pacientët nga atje, në vend që ta lejojmë Hamasin ta përdorë atë si qendër komanduese për terrorizmin, për raketat që lëshojnë kundër Izraelit, për tunelet e terrorit që përdorin për të vrarë civilët izraelitë”– tha kryeministri izraelit Benjamin Netanyahu në një intervistë për CNN sa i përket situatës në Gaza.
Netanyahu shtoi se Izraeli “po ecën me kujdes kur bëhet fjalë për spitalet. Por ne gjithashtu nuk do t’u japim imunitet terroristëve”.
Top Channel
