U ekzekutua sot nga forcat izraelite, kush ishte udhëheqësi i Hamasit, Yahya Sinwari? 17/10 22:49
Një show kremtues dritash zbukuroi kullat më të reja të bazilikës së famshme Sagrada Familia të Barcelonës, teksa atraksioni ikonë po i afrohet përfundimit 141 vjet pasi nisi ndërtimi i tij.
Dy të fundit nga katër Kullat e Ungjilltarëve, 135 metra të larta, struktura të kushtuara Mateut dhe Gjonit, u përfunduan në shtator me shtimin e figurave që përfaqësonin një bust njerëzor dhe një shqiponjë. Dy të tjerat, kushtuar Lukës dhe Markut dhe të kurorëzuara nga skulpturat e lopës dhe luanit, përfunduan që shkoi.
Kryepeshkopi i Barcelonës Juan Jose Omella i bekoi strukturat e reja të bazilikës përsa se të niste spektakli i dritave. Kullat do të jenë të tretat më të larta të bazilikës në moment që ajo do të përfundojë. Vetëm Kulla e Jezu Krishtit, e projektuar nga arkitekti i famshëm katalanas Antoni Gaudi për të qenë maja e ndërtesës, eshtë ende në ndërtim.
“Po e ndjek me kujdes evolucionin e kësaj kishe, dhe shoh që gjërat po lëvizin. Unë erdha për yllin dhe tani kemi 4 ungjilltarët, vërtet që po lëviz më shpejt”, u shpreh Ana Martinez, arkitekte nga Brazili.
Shpresat ishin që kulla e fundit të përfundojë në 2026-tën, vit që përkon me 100 vjetorin e vdekjes së Gaudit, ky ishte dhe objektivi i komitetit të ndërtimit të bazilikës, por plani i tij u shty për shkak të pandemisë së koronavirusit. Tani, organizmi në fjalë thotë se Sagrada Familia “do të përfundojë në maksimumi 10 vjet” .
Top Channel
