“Më mori 6000 euro dhe s’më hap telefonin”, biznesmeni akuzon Erjola Doçin, çfarë ndodhi në emision 17/11 19:08
Sado që ne e duam trendin absolut të viteve të fundit, flokët e gjatë e të shëndetshëm na bëjnë gjithmonë përshtypje, kryesisht sepse ofrojnë shumë opsione në modele flokësh.
Nëse edhe ju po përpiqeni të rritni flokët tuaj të gjatë, ja çfarë duhet të dini.
Mbani një dietë të ekuilibruar
Dhe po, t’i thuash dikujt që dëshiron flokë të gjatë për të përmirësuar zakonet e të ngrënit është si t’i thuash dikujt që është i dehur të pijë shumë ujë. Por megjithatë, është efektive. Shëndeti dhe rritja e flokëve tanë është e lidhur drejtpërdrejt me dietën tonë, si dhe me kujdesin dhe higjienën tonë personale, prandaj është këshilla më e shpeshtë dhe më e rëndësishme për gratë që duan flokë të gjatë dhe të shëndetshëm. Megjithatë, edhe nëse dieta që ndiqni është plotësisht e ekuilibruar, mbani parasysh se stresi dhe çrregullimet hormonale mund të ndikojnë në rritjen e shpejtë të flokëve, duke ju privuar nga rezultati i dëshiruar.
Kujdesuni për skalpin tuaj
Kujdesi për lëkurën e kokës është i domosdoshëm kur doni të rritni flokët tuaj. Fatmirësisht për ne, ka plot produkte që specializohen për shëndetin dhe pastërtinë e kësaj zone, si skrab, serume apo maska flokësh speciale. Së fundi, sigurohuni që të mos i lani flokët më shpesh sesa duhet, pasi kjo shkatërron mbrojtjen natyrale të shëndetit të kokës.
Shmangni nxehtësinë dhe zbardhjen e papritur të ngjyrës së flokëve tuaj
Praktika më kritike për nxitjen e rritjes së flokëve është shmangia e praktikave të dëmshme. Kjo sigurisht kërkon shmangien e çdo lloj aplikimi me nxehtësi apo zbardhjen e flokëve, si dhe shmangien e ekspozimit të tepërt në diell. Nëse absolutisht dëshironi të përdorni tharëse flokësh ose pajisje të tjera për kujdesin e flokëve që përdorin nxehtësi, mos harroni të aplikoni fillimisht një mbrojtës ndaj nxehtësisë.
Mos i shkurtoni flokët (përveç majave)
Miti se sa më shpesh t’i shkurtoni flokët, aq më shpejt rriten është pikërisht ky, një mit. Të lini flokët tuaj të rriten pa ndërhyrje është praktika më e mirë që mund të zbatoni për të marrë gjatësi shtesë. Përjashtim nga ky rregull janë, natyrisht, majat e dëmtuara dhe që kanë nevojë për mirëmbajtje dhe prerje në intervale të rregullta.
Top Channel
