Emigracioni dhe tregtia doganore e paligjshme, Trump “kërcënon” me tarifa të larta Kanadanë, Meksikën dhe Kinën 26/11 07:28
Ukraina do të kërkojë regjistrim të detyrueshëm të kompanive të eksportit të ushqimeve me qëllim që të parandalojnë abuzimet, sikurse shmangien e taksave për eksportin e mallrave kryesore bujqësore.
Ukraina është një prej prodhueseve dhe eksportueseve më të mëdha në botë të ushqimit, por zyrtarët vlerësojnë se një e treta e mallrave të destinuara për eksporte blihen me para të gatshme pa paguar taksa. Një problem shtesë është fshehja ose vonesa e paligjshme në dërgimin e pagesave në monedha të huaja në llogaritë jashtë Ukrainës.
Sipas procedurës së re, me eksport mund të merren vetëm kompanitë që janë të regjistruara në Regjistrin Shtetëror Agrar, që paguajnë tatimin mbi vlerën e shtuar dhe nuk kanë borxhe tatimore.
“Qëllimi i këtij projekti është të krijojë kushte për të parandaluar abuzimet dhe shkeljet e ligjit gjatë eksportit të mallrave”, tha Qeveria ukrainase.
Ukraina, që ka nevojë shumë për para për të financuar luftën kundër Rusisë, edhe më herët kishte tentuar të ashpërsonte kontrollet e eksportit të drithërave dhe në gusht, në rajonin jugor ukrainas të Odesës, që ka porte në Detin e Zi dhe në lumin Danub, hyri në fuqi një mekanizëm për kontrollin e eksporteve të drithërave.
Mekanizmi lejon që anijet të ngarkohen mallra vetëm pas analizave preliminare të ligjshmërisë së origjinës së drithërave. Ukraina këtë vit ka eksportuar në total 8.9 milionë tonë drithëra, që është shumë më pak se vitin e kaluar, kur kishte eksportuar 12.9 milionë. Shoqatat e fermerëve dhe të tregtarëve kanë thënë se bllokada e porteve ukrainase në Detin e Zi dhe sulmet ruse ndaj porteve në lumin Danub janë arsyet kryesore për rënien e eksporteve.
Top Channel
