“Shkuan ta vrasin, ta heqin qafe djalin”, Curri për sherrin mes të miturve afër shkollës: Pse nuk po mban përgjegjësi askush? 18/11 22:06
Kreu i Grupit Parlamentar të Partisë Socialiste, Bledi Çuçi e ka konsideruar skenar të planifikuar dhunën e deputetit të Rithemelimit Nallbati ndaj deputetit socialist Sina.
“Besoj se ju dhe gjithë shqiptarët ishit dëshmitarë të një skene aspak të pranueshme.
Ju e patë të gjithë se çfarë skenari kishin përgatitur kolegët e opozitës. E them skenar sepse sot ishte seanca që ne shprehim të gjithë shqetësimet që marrim nga pushteti vendor dhe asnjë nga grupi opozitar nuk ishte regjistruar më parë për të folur.
Kjo është e qartë që është një skenar, një skenar i planifikuar. Gjithsesi ne do të merremi me projektet, shqyrimin e tyre, sepse janë për të mirë të Shqipërisë dhe rrugëtimin saj drejt BE”- tha Çuçi.
I pyetur se pse nuk i japin mundësinë opozitës që të ushtrojë një të drejtë Kushtetuese themelore, sikurse është ngritja e komisioneve hetimore, Çuçi tha se “nuk duhet abuzuar me këtë të drejtë”.
“E kemi thënë edhe herën e fundit kur bashkëbiseduam për këtë çështje që nuk është e thënë që çdo amendim që vjen nga opozita ne duhet ta miratojmë. Nuk është e parashikuar kjo gjë, por ndodhë atëherë kur objekti i ngritjes së saj është i vlefshëm.
Komisionet Hetimore janë e drejtë kushtetuese e opozitës, shumë e drejtë, ashtu sikurse thotë edhe gjykata kushtetuese, por nuk duhet abuzuar me këtë të drejtë dhe kjo e drejtë kufizohet nga objekti i ngritjes së saj”- tha Çuçi.
Top Channel
