Kryeministri i Kosovës, Albin Kurti është takuar me ministrin e Mbrojtjes së Greqisë, Nikos Dendias këtë të martë.
Në një postim në platformën X, Kurti ka bërë të ditur se kanë diskutuar për sulmin terrorist në Banjskë, ku mbeti i vdekur polici Afrimk Bunjaku.
Pjesë e diskutimit gjithashtu ishte edhe bashkëpunimi me KFOR-in për patrullimin në veri.
“I kënaqur që takova Ministrin e Mbrojtjes së Greqisë. Diskutuam për sulmin terrorist dhe se si trupat paraushtarake u penguan të zbatonin planin e tyre në një konflikt më të madh. Ne diskutuam edhe bashkëpunimin me KFOR-in për patrullimin e kufirit me Serbi”, ka shkruar Kurti.
Kujtojmë se kryeministri i Kosovës, Albin Kurti ka udhëtuar drejt Greqisë, ku do të marrë pjesë në panelin diskutues të organizuar nga The Economist, me temë “Thellimi i Solidaritetit: Si mundet Evropa të dalë më e fuqishme nga trazirat aktuale gjeopolitike”.
Enjoyed meeting 🇬🇷 Minister of Defense @NikosDendias. I spoke of the terrorist attack & how the paramilitary troops were prevented from carrying out their plan of a larger conflict. We also discussed cooperation w/ KFOR to patrol the northern border. pic.twitter.com/k2MYudb5bN
— Albin Kurti (@albinkurti) October 24, 2023
Top Channel
