Opozitari i majtë Orsi fiton presidencën në Uruguai (fotot)
25/11 18:33
Presidenti i Autoritetit Palestinez Mahmoud Abbas ka bërë thirrje për të ndalur sulmet ndaj popullit civil palestinez.
Kjo deklaratë u bë gjatë takimit të tij me Mbretin e Jordanisë Abdullah II, duke shënuar kështu herën e parë që flet publikisht që nga sulmi i papritur i Hamasit ndaj Izraelit.
Sipas një deklarate të lëshuar nga zyra e presidentit, Abbas hodhi poshtë sulmet që lidhen me vrasjen e civilëve ose abuzimin e tyre nga të dyja palët.
Të dy udhëheqësit u takuan në Aman për të diskutuar rreth mënyrave për të ofruar ndihma në Gaza-n e izoluar totalisht.
Abdullah dhe Abbas i bënë thirrje komunitetit ndërkombëtar që të bëjë presion ndaj Izraelit që të lejojë korridoret humanitare në Rripin e Gazës për të lejuar ushqim dhe ndihma pasi të nevojshme dhe jetike.
Sipas deklaratës, presidenti i autoritetit palestinez ritheksoi sërish se shënjestrimi i civilëve nga forcat izraelite dhe militantët palestinezë bie ndesh me moralin, fenë dhe ligjin ndërkombëtar.
Top Channel
