Të shtëna me armë zjarri raportohen në Sanxhak të Kurbinit, ku është qëlluar me breshëri plumbash në drejtim të banesës së Skënder Likës.
Burime nga vendngjarja tregojnë se autorët kanë qëlluar nga një makinë tip “Audi” me xhama të zinj dhe më pas janë larguar.
Duket se autoret i ruanin prej kohësh familjarët, pasi që prej marsit kur iu vendos lëndë plasëse, ata nuk kanë jetuar në këtë banes. Sot në mesditë, ata erdhën për të kontrolluar pronën e tyre dhe në momentin që u futën brenda, kanë dëgjuar të shtënat. Fatmirësisht, asnjë prej tyre nuk është lënduar.
Kjo ngjarje vjen disa muaj pasi në banesën e Likës u vendos lëndë plasëse.
Tritoli që iu vu vilës tri katëshe në muajin mars shkaktoi dëme të shumta në banesën e tij dhe në banesat e tjera përreth.
Dyshimet për incidentin lidhen me vrasjen e Pilot Rolit të ndodhur në dhjetor të 2021 ku si autor i dyshuar është Llej Lika djali i Skënder Likës. Ai u arrestua pak dit pas ngjarjes së bashku me babin e tij dhe një mik të familjes. Skënder Lika u lirua disa muaj më vonë pasi i biri pranoi fajin dhe nuk kishte prova të mjaftueshme për implikimin e tij në këtë ngjarje.
Top Channel
