Gjiganti i teknologjisë Google ka mbushur 25 vjeç si kompani sot, më 27 shtator.
“Njëzet e pesë vjet më parë, ne lançuam Google Search për t’ju ndihmuar të gjeni përgjigje për pyetjet e mëdha dhe të vogla. Që atëherë, miliarda njerëz janë bërë përdorues të Google”, tha gjiganti i teknologjisë.
Sot është ndryshuar edhe logo nga ‘Google’ në ‘G25gle’ .
Kujtojmë se motori më i popullarizuar i kërkimit në botë filloi si një projekt kërkimor nga Larry Page dhe Sergey Brin kur ata të dy ishin studentë në Universitetin Stanford në fund të viteve 1990.
Ata zbuluan se kishin një vizion të ngjashëm, ta bëni World Wide Web një vend më të aksesueshëm. Dyshja punuan pa u lodhur në dhomën e tyre të konviktit për të zhvilluar një prototip, për një motor kërkimi më të mirë. Ndërsa bënë përparim domethënës në projekt, ata e zhvendosën operacionin në zyrën e parë të Google, një garazh me qira. Më 27 shtator 1998 lindi zyrtarisht Google Inc.
Shumëçka ka ndryshuar që nga viti 1998, duke përfshirë, por misioni ka mbetur i njëjtë, të organizojë informacionin e botës dhe ta bëjë atë të aksesueshëm dhe të dobishëm universalisht. Me kalimin e viteve, motori i kërkimit Google është bërë pjesë integrale e jetës sonë të përditshme, duke formuar mënyrën se si ne kërkojmë, komunikojmë dhe ndërveprojmë me informacionin në internet.
“Faleminderit që evoluuat me ne gjatë 25 viteve të fundit. Mezi presim të shohim se ku na çon e ardhmja, së bashku”, ka shkruar Google.
Top Channel
