Në Tiranë është zbuluar një magazinë me mallra kontrabandë me vlerën 150 mijë euro.
Në subjektin e paregjistruar në organet tatimore, magazinoheshin mallra të kontrabanduara në sasi të mëdha.
Në pranga ranë administratori G. P., 41 vjeç, magazinieri i këtij subjekti L. K., 31 vjeç, si dhe një person tjetër që tregtonte me pakicë këto mallra E. D., 40 vjeç, të tre banues në Tiranë.
Në cilësinë e provës materiale u sekuestruan 305 pako, 145 koli dhe 13 thasë me mallra dhe produkte të ndryshme, me vlerë rreth 150 000 euro.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Top Channel
