Si e siguroi fitoren ish-Presidenti Donald Trump 08/11 16:19
Për herë të parë ndonjëherë, një në 10 njerëz në Japoni ka moshën 80 vjeç e lart.
Të dhënat kombëtare tregojnë gjithashtu të dhënat rekord se se 29.1% e popullsisë 125 milionëshe është e moshës 65 vjeç e lart.
Japonia ka popullsinë më të vjetër në botë , e matur me përqindjen e njerëzve të moshës 65 vjeç e lart, thonë Kombet e Bashkuara.
Ky raport pasohet me 24.5% në Itali dhe 23.6% në Finlandë, të cilat renditen respektivisht në vendin e dytë dhe të tretë.
Në Japoni, ata të moshës mbi 65 vjeç pritet të përbëjnë 34.8% të popullsisë deri në vitin 2040, sipas Institutit Kombëtar të Kërkimeve të Popullsisë dhe Sigurimeve Shoqërore.
Shkalla e punësimit të të moshuarve në vend është ndër më të lartat në ekonomitë kryesore – punëtorët e moshës 65 vjeç e lart përbëjnë më shumë se 13% të fuqisë punëtore kombëtare.
Vendi vlerësohet të ketë pasur më pak se 800,000 foshnja të lindura vitin e kaluar, numri më i ulët që nga fillimi i regjistrimeve në shekullin e 19-të.
Kryeministri Fumio Kishida tha në janar se vendi i tij është në prag të mos funksionimit të shoqërisë për shkak të rënies së lindshmërisë.
Top Channel
