Ministria e Mbrojtjes ruse: Ukraina na goditi me raketat me rreze të gjerë të SHBA-së 19/11 13:31
Kuaj të racës së pastër arabe dhe drejtuesit e tyre merrnin pjesë sot në garën e organizuar në rajonin autonom kurd në veriperëndim të Sirisë.
Kuajt arabë, të vlerësuar për bukurinë, rezistencën e shpejtësinë e tyre, janë nga racat më të vjetra në botë.
Në Siri ata rriten prej shekujsh nga komunitetet e beduinëve të cilët janë përpjekur të ruajnë linjën e pastër të gjakut të kafshëve madheshtore.
Gara konsiderohet një event i rëndësishëm shoqëror në zonë dhe fituesit dhe pronarit të kalit i rezervohen nderimet e rastit.
Hayel al-Islam, rritësi i kalit fitues tha se është krenar për trashëgiminë e kuajve të zonës.
“Kjo fitore është një nder i madh për ne dhe për të gjithë rezidentët e zonës, falë Zotit këta kuaj të racës së pastër arabe janë pjesë e trashëgimisë sonë”.
“Ne i konsiderojmë ata si pjesë e familjeve tona, kujdesemi për të që të vegjël sikur të isin një anëtar i familjes sonë”, shtoi al-Islam.
Kalëruesi Raed Muhammad Al-Ali, gjithashtu vlerësonte kafshët si një simbol i kulturës vendase.
“Kuajt janë një simbol për ne dhe për kulturën arabe. Ata janë si fëmijët, pjesë e familjeve tona. Kujdesemi për ta njësoj si për fëmijët tanë”, tha Raed per rrjetin AFP.
Top Channel
