Fermerët amerikanë thirrje Trump: Mos dëboni emigrantët e paligjshëm që punojnë në bujqësi 26/11 20:22
Katër njerez kanë humbur jetën dje pas përplasjes së një autobusi turistësh dhe një makine në një autostradë në Greqi.
Autobusi i madh turistik me targa serbe ishte i mbushur me rreth 70 pasagjerë.
Tragjikisht automjeti që i vogël që vinte në drejtim të kundërt, raportohet se në momentin e këmbimit kishte papritur humbur kontrollin ishte përplasur kokë më kokë me autobusin.
Pamjet nga vendngjarja në Kilkis në veri të Greqisë, tregojnë autobusin e përmbysur në një hendek në anë të rrugës me dritaret e thyera.
Katër viktimat ishin të gjithë pasagjerët e makinës që humbi papritur kontrollin, të cilët besohet se ishin tre grekë dhe një qytetar rus.
Kreu i zjarrfikësave greke Giannis Artopoios tha se dhe një makinë e dytë ishte përfshirë në aksident, ku dy persona u plagosën.
Shoferi i autobusit dëshmoi se makina me kater pasagjerët po vinte në drejtim të kundërt, kur papritur goditi ballë për ballë autobusin, i cili u përmbys dhe ra në hendekun pranë rrugës.
Në makinë e dytë të përfshirë gjendej një grua serbe dhe një fëmijë, të cilët u plagosën.
Mediat vendase thanë se 49 pasagjerë të plagosur nga autobusi ishin dërguar në spitalet e Kilkis dhe atë të Selanikut.
Rrjeti grek Kathimerini tha se turistët serbë po udhëtonin drejt qytetit bregdetar Asprovalta me pushime.
Policia vendase tha se vijon të hetojë ngjarjen e rëndë.
Incidenti vjen në një kohë kur disa zona të Greqisë janë goditur rëndë nga përmbytjet dhe më herët nga zjarret në periudhën e verës.
Top Channel
