“Malet janë plot me ta”/ Gjuetarët e emigrantëve tregojnë “trofetë” e kapur gjatë sezonit të zjarreve në Greqi

Një burrë hap pjesën e pasme të furgonit të kamuflazhit të gjelbër dhe tregon triumfalisht “25 trupat që ka ‘gjuajtur'” më herët gjatë ditës. “Trofet” e tij të gjuetisë janë emigrantë të tmerruar. Gjithë ngjarja zë vend në Evros, rajoni kufitar me Turqinë në Greqinë veri-lindore, dhe gjuhetari justifikon veprimet përmes një video duke fajësuar emigrantët për zjarret që kanë shkatërruar rajonin.

“Do të na djegin”, thotë ai, duke nxitur grekët të ndjekin shembullin e tij: “Organizohuni t’i kapni! Malet janë plot me ta”.

Emigrantët shikojnë në kamerë pa kuptuar se çfarë po ndodh, por frika në sytë e tyre është e dukshme. Postimi ka me mijëra reagime, ku një përdorues ka komentuar: “Hidhini në zjarr”.

Ditë më vonë, emigrantët thanë për The Press Project se ishin rrahur me shufra metalike. “Na hoqën të gjitha rrobat dhe na filmuan. Ne qëndruam atje për një kohë të gjatë, të djersitur dhe pa mundur të merrnim frymë”.

Me më shumë se 73,000 hektarë të djegur në gjashtë ditë, zjarret rreth Alexandroupolis, kryeqyteti i Evros, janë bërë më shkatërruesit e parë ndonjëherë në Bashkimin Evropian.

Fatkeqësia e ka lënë vendin në kërkim të fajtorëve, duke çuar në një besim të gjerë e emigrantët janë përgjegjës për zjarret.

“Ka një thashetheme të përhapur dhe politikanët vendas po e përdorin atë si një mjet politik sepse është e lehtë të fajësosh emigrantët. Ata nuk kanë zë”- tha për Euronews drejtori i Institutit Grek për Refugjatët, Lefteris Papayannakis, duke shtuar se: “Autoritetet kanë marrë ankesa për mënyrën se si i kanë trajtuar zjarret. Gjithmonë ka nevojë për një armik për të justifikuar dështimin e qeverisë, kështu që ne gjejmë koka turku për t’i mbrojtur ata. Në Evros, janë emigrantët.”

‘Milicitë urbane’ që gjuajnë emigrantë

Emigrantët në pyje ka çuar në shfaqjen e ‘milicive’ të vetëorganizuara civile që kryejnë akte të paligjshme dhune kundër tyre, sipas agjencisë së OKB-së për refugjatët.

Fshatarët të veshur me çizme të zeza dhe të rënda, që ngjajnë me forcat speciale greke, formojnë grupe vigjilente që tani patrullojnë kufirin e Evros “duke kërkuar emigrantë”, siç thuhet në raportin e Rrjetit të Monitorimit të Dhunës Kufitare.

Edhe pse ky nuk është një fenomen i ri – OJQ-të kanë denoncuar praninë e tyre prej disa vitesh – situata e zjarreve të verës në Greqi ka parë rishfaqjen e këtyre grupeve.

“Policia dhe ushtria nuk veprojnë kundër tyre. Ata i tolerojnë,” thotë Papayannakis.

“Qeveria dhe media greke kanë ushqyer “gjuetarët emigrantë” të stilit vigjilentë që nga viti 2020, duke i lejuar ata të kryejnë krime raciste pa u ndëshkuar plotësisht“- thotë Alarm Phone, një OJQ që ndihmon refugjatët që kanë nevojë për shpëtim në det.

Ditët e fundit në rrjetet sociale janë publikuar gjithnjë e më shumë video që inkurajojnë gjuetinë e emigrantëve, pavarësisht masave të marra nga drejtësia greke për ndalimin e këtyre veprimeve. Tre personat që futën me forcë emigrantët në kamionin e tyre janë arrestuar dhe prokuroria e Aleksandoupolis ka ngritur akuza ndaj të gjithëve.

Pasi ata dëshmuan, ata u vendosën në arrest shtëpiak dhe iu hoqën pasaportat, avokati i tyre Vassilis Demiris tha se klientët e tij ishin “plotësisht të penduar”. Pavarësisht kësaj, Gjykata e Lartë greke ka urdhëruar një hetim për të zbuluar më shumë në lidhje me “fenomenet alarmante të dhunës” ndaj emigrantëve dhe nëse ka pasur një “plan të organizuar” për të provokuar zjarrin, megjithëse autoritetet kanë sugjeruar se ai është shkaktuar nga rrufeja.

Këshilli Grek për Refugjatët ka pak shpresë se hetimi do të ndryshojë diçka. “Kjo ka ndodhur më parë dhe asgjë nuk ka ndryshuar. Nuk janë gjykatat ato që do të modifikojnë perceptimin e përgjithshëm, është narrativa publike dhe narrativa e qeverisë. Ne kemi nevojë që autoritetet të mos synojnë dhe kriminalizojnë emigrantët,” thotë Papayannakis.

13 emigrantët u morën gjithashtu në paraburgim. Ata u akuzuan për tentativë zjarrvënie dhe hyrje të paligjshme, por u liruan pasi dëshmuan të hënën.

Një diskurs inflamator

Kanë ikur kohët kur Greqia hapi krahët për emigrantët nga vende si Siria. Ka pasur një ndryshim në diskursin ndaj tyre dhe klima është një armiqësi e hapur. Retorika publike ka nxitur politikën e konfrontimit. Polemika e fundit pasoi komentet e Paraschos Christou Papadakis, një anëtar i parlamentit grek për partinë ultra nacionaliste Zgjidhja, i cili akuzoi emigrantët për “pengim të punës së brigadës së zjarrfikësve” dhe ndezjen e zjarreve.

“Megjithëse u konfirmua se zjarret e mëdha që shpërthejnë në Evros janë nisur nga një goditje rrufeje, kjo nuk ka ndaluar përhapjen e narrativave raciste dhe të rrezikshme në të gjithë vendin”, tha për Euronews Adriana Tidona, zëdhënëse e Amnesty International.

Në një postim në rrjetet e tij sociale, deputeti grek i Zgjidhjes e përshkroi situatën si një “luftë” dhe u bëri thirrje njerëzve të organizojnë bastisje për “arrestimin e emigrantëve të paligjshëm në të njëjtën mënyrë si në mars 2020″.

Atë vit, Turqia vendosi të hapë kufijtë e saj, duke sfiduar Bashkimin Evropian dhe mijëra emigrantë hynë në Greqi përmes Evros. Ishte hera e parë që grupet vigjilente u shfaqën për të “mbrojtur kufirin”.

“Fjalët e Papadakis duket se po i nxisin civilët të ndërmarrin veprime kundër migrantëve dhe refugjatëve. Ka përpjekje të tjera për të organizuar vendasit dhe civilët për të kryer akte të paligjshme kundër këtyre grupeve. Është një prirje shumë shqetësuese.

Evrosi ka qenë prej vitesh një zonë ku emigrantët shtyhen ilegalisht, ndalohen dhe torturohen nga autoritetet greke për t’i kthyer në Turqi. Mosndëshkimi me të cilin Greqia ka kryer këto akte ka të ngjarë të kontribuojë në përshkallëzimin e vazhdueshëm të tendencave të dhunshme ksenofobike në rajon,” shton ajo.

Top Channel