Kompania amerikane e çelikut mund t’i shitet një firme japoneze, ja sa parashikohen fitimet 17/11 18:46
Zjarrfikësit vazhdojnë të luftojnë me flakët në Evros dhe Rodope në Greqi.
Forcat e Zjarrfikësve u përforcuan me 180 zjarrfikës shtesë. Në total po operojnë 474 zjarrfikës me 16 ekipe dhe 100 automjete, të ndihmuar nga 4 avionë dhe 2 helikopterë.
Në Evros forcat zjarrfikëse po përqendrohen në frontin që ndodhet në veriperëndim të zonës së Kotronias, ndërsa në Rodope forcat po bëjnë përpjekje për të ndalur zjarret midis zonave Kassitera dhe Kirkis, shkruan amna.
Forcat zjarrfikëse ndërmorën një operacion të gjerë gjatë natës në frontin e vendosur në veriperëndim të zonës së Kotronisë, duke krijuar një vijë mbrojtjeje për të mos lejuar që zjarri të kalonte në Dadia.
Për frontet e tjera, Artopios vlerësoi se frontet e Beotisë dhe Atikës janë pothuajse nën kontroll.
“Ka shpërthime të vogla, por gjendja e përgjithshme në të gjitha këto fronte është shumë më mirë,” theksoi ai.
Top Channel
