Një person ka mbetur i plagosur si pasojë e një aksidenti në hyrje të qytetit të Shkodrës, disa minuta më parë.
I plagosuri është përplasur nga një automjet i tipit “Volkswagen”, ku drejtohej nga një 73-vjeçar K. N.. Sipas njoftimit të policisë, këmbësori ende i pa identifikuar i ka ndërprerë rrugën drejtuesit të automjetit dhe si pasojë është përplasur me të.
Ai është dërguar menjëherë në spitalin rajonal të Shkodrës, ku po merr ndihmën mjekësore. Drejtuesi i automjetit u shoqërua në Komisariatin e Policisë Shkodër për veprime të mëtejshme procedurale.
Grupi hetimor ka mbërritur në vendngjarje dhe vijon punën për përcaktimin e shkakut të aksidentit.
Top Channel
