Shiste doza kokaine në lagjet e Shijakut, arrestohet 27-vjeçari
25/08/2023 17:06
Pamje mbresëlënëse nga dëbora në Veri, por sjell probleme në qarkullimin e mjeteve 23/11 09:28
Një 27-vjeçar ka rënë në prangat e Policisë, pasi u kap duke shitur doza kokaine në lagje të ndryshme të Shijakut.
Falë informacioneve të siguruara nga inteligjenca policore, specialistët e Forcës së Posaçme “Shqiponja” arrestuan në flagrancë shtetasin Dorjan Sherifi, 27 vjeç, banues në Gjepalaj, Shijak.
Gjatë kontrollit fizik dhe në automjetin me të cilin lëvizte Sherifi, u gjetën një sasi lënde e dyshuar narkotike kokainë, e ndarë në doza të gatshme për shitje dhe një peshore elektronike, e cila u sekuestrua së bashku me automjetin dhe një celular.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
Top Channel
