Në përpjekje për të forcuar marinën e saj luftarake, Greqia pritet të fillojë negociatat për të blerë fregatën e e katërt nga Franca 19/09 23:00
Udhëheqësi i Bjellorusisë, Aleksandër Lukashenko tha se ai “nuk mund ta imagjinojë” Vladimir Putinin të jetë përfshirë në rrëzimin e aeroplanit në të cilin thuhet se ishte Yevgeny Prigozhin.
Ai tha se “do të ishte shumë e ashpër dhe joprofesionale” që presidenti rus të ketë urdhëruar vrasjen e Prigozhin, raporton agjencia bjelloruse e lajmeve Belta.
“Unë e njoh Putinin – ai është duke bërë llogaritjet e veta, shumë i qetë, madje i vonuar,” tha zoti Lukashenko. “Nuk mund ta imagjinoj që Putini e bëri këtë, se Putini është fajtor”.
Më herët, Lukashenko kishte paralajmëruar bosët mercenar Prigozhin dhe Dmitry Utkin – i cili besohet se i ka dhënë emrin Grupit Wagner – të jenë vigjilentë ndaj kërcënimeve të mundshme ndaj jetës së tyre.
Presidenti bjellorus tha se i tha Prigozhinit teksa drejtonte një marshim kryengritës drejt Moskës dy muaj më parë se ai do të “vdiste” nëse dilte kundër Putin dhe ai iu përgjigj: “Në dreq – do të vdes”.
Lukashenko u ofroi një rrugëdalje luftëtarëve të Wagner, si pjesë e marrëveshjes së ndërmjetësuar për t’i dhënë fund rebelimit jetëshkurtër duke theksuar se: “Për sa kohë që ne kemi nevojë për këtë njësi, ata do të jetojnë dhe punojnë me ne”.
Top Channel
