Kanabis në Lazarat/ Në pranga babë e bir, e kishin mbjellur në oborrin e shtëpisë
16/08/2023 09:55
Vranësira dhe reshje shiu, parashikimi i motit për këtë të martë 19/11 08:24
Babë e bir u arrastuan në Lazarat pasi kishin mbjellur kanabis në oborrin e shtëpisë së tyre.
A. S., 51 vjeç dhe E. S., 28 vjeç u kapën në flagrancë nga dronët e policisë, teksa kujdeseshin për 50 bimët narkotike.
Asgjësohen nëpërmjet djegies, bimë narkotike dhe sekuestrohet një sasi lënde narkotike cannabis sativa që u gjet në banesën e 2 të arrestuarve.
“Si rezultat i administrimit të menjëhershëm të informacioneve të siguruara nga inteligjenca policore, se në një banesë në fshatin Lazarat, kultivoheshin bimë narkotike cannabis sativa, shërbimet e Komisariatit të Policisë Gjirokastër finalizuan operacionin policor të koduar “Kujdesi”, në kuadër të të cilit u vunë në pranga shtetasit A. S., 51 vjeç dhe E. S., 28 vjeç (babai dhe djali), të dy banues në fshatin Lazarat”, thuhet në njoftimin e policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
Top Channel
