Forcat izraelite sulmojnë një shkollë në Gaza, 15 palestinezë të vdekur dhe dhjetëra të plagosur 26/11 21:11
Bashkimi Evropian njoftoi për zgjatjen e sanksioneve kundër Bjellorusisë për shkak të mbështetjes që Minsku i ofron agresionit rus kundër Ukrainës.
Këshilli Evropian miratoi masa të tjera kufizuese të enjten në përgjigje të përfshirjes së Bjellorusisë në pushtimin e plotë të Rusisë në Ukrainë, tha Komisioni Evropian në një deklaratë.
“Masat e reja krijojnë një përafrim më të ngushtë të sanksioneve të BE-së që synojnë Rusinë dhe Bjellorusinë dhe do të ndihmojnë për të siguruar që sanksionet ruse të mos anashkalohen përmes Bjellorusisë”, tha këshilli.
“Masat zgjerojnë ndalimin e eksporteve në Bjellorusi në një numër mallrash dhe teknologjish shumë të ndjeshme që kontribuojnë në përmirësimin ushtarak dhe teknologjik të Bjellorusisë,” tha gjithashtu. “Këshilli vendos gjithashtu një ndalim shtesë të eksportit për armët e zjarrit dhe municionet, si dhe për mallrat dhe teknologjinë e përshtatshme për përdorim në aviacion dhe industrinë hapësinore.”
Sipas këshillit, ndryshimet gjithashtu përafrojnë sanksionet e Bjellorusisë me ato të aplikuara ndaj Rusisë.
“BE qëndron e bashkuar në solidaritetin e saj me Ukrainën dhe do të vazhdojë të mbështesë Ukrainën dhe popullin e saj së bashku me partnerët e saj ndërkombëtarë, duke përfshirë mbështetjen shtesë politike, financiare, ushtarake dhe humanitare për aq kohë sa është e nevojshme”, thuhet në deklaratë.
Top Channel
